Балаҕан ыйын 1 күнэ — Билии күнэ 📚📌
Боһуут аатын сүгэр Чаппанда орто оскуолата, сайыҥҥы сынньалаҥ кэннэ, саҥа үөрэх дьылын бэлиэтиир үөрүүлээх линейката буолан ааста🔔

🍁 Быйыл маҥнайгы кылааска 9 оҕо үөрэнэ киирдэ, кырачааннар бастакы учууталлара, эдэр педагог, Дайаана Михайловна📚👩🏻‍🏫

🍁 Бастакы кылаас үөрэнээччилэрин Чаппанда нэһилиэгин Баһылыга Бухолов К. Г. эҕэрдэлээтэ уонна бэлэх туттартаата.
🍁 Ньурба оройуонун олох-дьаһах, хомунаалынай хаһаайыстыба Чаппандатааҕы филиалын профсоюһа бэйэлэрин үлэһиттэрин уонна ветераннарын оҕолоругар бэлэх туттардылар.

🍁 Биир үөрүүлээх түгэнинэн тоҕус оҕолоох Токууһа сиэннэрэ, хос сиэннэрэ үөрэнээччилэри, төрөппүттэри, учууталлары үөрэх дьыла саҕаламмытынан эҕэрдэлээн туран оскуолаҕа бэйэлэрэ оҥорбут сибэкки иһиттэрин бэлэх туттарбыттара олус долгутта уонна үөртэ🧡🧡🧡.

Быйылгы үөрэх сылыгар барыта 90 оҕо үөрэнэр, мантан 5 оҕо — оскуола выпускниктара буолаллар
🍁 Саҥа үөрэх дьыла үрдүк ситиһиилэри аҕаллын диэн алгыыбыт 🧡